"പ്രാർത്ഥന കേൾക്കുന്ന ദൈവം "

പ്രാർത്ഥന കേൾക്കുന്ന ദൈവം. നമ്മുടെ ദൈവഹിതപ്രകാരമുള്ള പ്രാർത്ഥനകൾക്ക് ദൈവം മറുപടി തരിക തന്നെ ചെയ്യും. ചിലപ്പോൾ നമ്മുടെ പ്രാർത്ഥനയുടെ മറുപടി നീണ്ടുപോയേക്കാം എങ്കിലും ദൈവം ഉത്തരം അരുളുക തന്നെ ചെയ്യും.പ്രാർത്ഥനയുടെ മറുപടി ലഭിക്കുവാൻ താമസിച്ചുപോയി എന്നു കരുതി നാം നിരാശപെട്ടു പ്രാർത്ഥന നിർത്തരുത്. മടുത്തുപോകാതെ നാം പ്രാർത്ഥിക്കാൻ ആണ് ദൈവം നമ്മോടു പറയുന്നത്. ദൈവഹിതമാണ് നമ്മുടെ പ്രാർത്ഥന എങ്കിൽ സമയം വൈകിയെന്നു നമുക്ക് തോന്നിയാലും തക്കസമയത്തു ദൈവം ഉത്തരം ആരുളുക തന്നെ ചെയ്യും.

"God who hears prayer."

God who hears prayer. God will answer our prayers according to God's will. Sometimes the answer to our prayer may take a long time, but God will answer. We should not stop praying because we think that it is too late to get the answer to our prayer. God tells us to pray without getting tired. If our prayer is God's will, God will answer even if it is late.

"ജീവിതത്തിനു നേരെ വൻ പ്രശ്നങ്ങൾ ആഞ്ഞടിക്കുമ്പോൾ അഭയമായി യേശു നാഥൻ ഉണ്ട്."

ജീവിതത്തിനു നേരെ വൻ പ്രശ്നങ്ങൾ ആഞ്ഞടിക്കുമ്പോൾ അഭയമായി യേശു നാഥൻ ഉണ്ട്. നമ്മുടെ ഈ ലോക യാത്രയിൽ ജീവിതത്തിനു നേരെ വൻ തിരകൾ പോലുള്ള പ്രശ്നങ്ങൾ ആഞ്ഞടിക്കുമ്പോൾ യേശുനാഥനോട് പ്രാർത്ഥിക്കുവാൻ മറന്നു പോകരുത്.അല്ലെങ്കിൽ നാം തന്നെ നമ്മുടെ പ്രശ്നങ്ങൾ പരിഹരിക്കാൻ തുടങ്ങിയാൽ ശാശ്വത പരിഹാരം ലഭിക്കയില്ല.നാം നമ്മുടെ സ്വയത്തിൽ ആശ്രയിച്ചാൽ നിരാശ ആയിരിക്കും ഫലം.എത്ര വലിയ പ്രശ്നങ്ങൾ ആണെങ്കിൽ പോലും യേശു നാഥന് പരിഹരിക്കാൻ സാധിക്കും.

"Jesus is a refuge when life is faced with great problems."

Jesus is a refuge when life is faced with great problems. Don't forget to pray to Lord Jesus when problems like huge waves hit us in our worldly journey. Otherwise, if we start solving our problems ourselves, we will not get a permanent solution. If we rely on ourselves, the result will be disappointment. Even if the problems are big, Jesus Lord can solve them.

"തളർന്നുപോകരുതേ "

തളർന്നുപോകരുതേ. ജീവിതത്തിന്റെ വഴിത്താരയിൽ ആരും സഹായത്തിനില്ലെങ്കിലും ദൈവം തന്റെ ദൂതനെ അയച്ചു നമ്മെ ധൈര്യപെടുത്തും.ഇന്ന് നാം കടന്നു പോകുന്ന പ്രതിസന്ധികൾക്ക് ദൈവം പരിഹാരം വരുത്തും. ഇപ്പോൾ നമ്മുടെ മുമ്പിൽ ഒരു പ്രതീക്ഷയ്ക്കും വകയില്ല എന്നു കരുതി തളർന്നു പോകരുത്. നമ്മുടെ പ്രാർത്ഥനകൾക്ക് ദൈവം മറുപടി അയക്കുക തന്നെ ചെയ്യും. നീതിമാൻ കുലുങ്ങിപോകുവാൻ ദൈവം സമ്മതിക്കില്ല.

"Don't get discouraged"

Don't get discouraged. Even if there is no one to help us in the path of life, God will send his messenger to encourage us. God will solve the problems we are going through today. Don't get discouraged thinking that there is no hope ahead of us now. God will answer our prayers. God will not allow the righteous to be shaken.

"ജീവിത ഭാരങ്ങൾ വഹിക്കുന്ന ദൈവം."

ജീവിത ഭാരങ്ങൾ വഹിക്കുന്ന ദൈവം. ജീവിതത്തിൽ ഭാരങ്ങൾ, പ്രയാസങ്ങൾ വർധിക്കുമ്പോൾ ഒന്നോർക്കുക യേശുദേവന്റെ വാക്കുകൾ "അധ്വാനിക്കുന്നവരും ഭാരം ചുമക്കുന്നവരുമായുള്ളോരേ എന്റെ അടുക്കൽ വരുവിൻ ഞാൻ നിങ്ങളെ ആശ്വസിപ്പിക്കാം ". നാം നമ്മുടെ ജീവിതത്തിലെ ഭാരങ്ങളും പ്രയാസങ്ങളും എല്ലാം ഒറ്റയ്ക്ക് വഹിച്ചാൽ നാം തളർന്നുപോകും. നമ്മുക്ക് ജീവിത ഭാരങ്ങൾ ഇറക്കി വയ്ക്കാൻ യേശുനാഥൻ നമുക്കുണ്ട്.